"For første gong sidan 1995 er ei samla framstilling om andre verdskrig i Hallingdal klar. Ingen femårsperiode i Hallingdal har vore like dramatisk og sett innbyggarane på prøve som tida mellom 9 april 1940 og 8. mai 1945.
I lys av ny forskning og tilgang til nye arkiv, blir det teikna nye bilete av korleis dei 15.000 innbyggarane i Hallingdal opplevde krigen. Hovudpersonane er enkeltmenneska, og med tilgang til nye dagbøker, brev og arkivmateriale, blir krigsåra skildra med ei rekkje historier om dei som var med.